بیز باشاردیق (2) "تبریزده بیر تبریز وار ایمیش"
نوت: خورداد قیاملاریندان آرتیق بیر ایل سووشور، کئچن ایل بؤیوک و قیمتلی تجروبهلر قازاندیق. سؤز یوخ کی بو دؤنمین تاریخینی یازماق و باش وئرن حادیثهلرینی آنالیز ائتمک، آیدینلاریمیزین اساس وظیفهلریندندیر. آنجاق هر شئیدن اول آیری-آیری شخصی خاطیرهلر و شخصی تجروبهلر قلمه آلینمالیدیر. همین مونوقرافیلرین اوزرینده ده چاغداش آذربایجان تاریخی یازیلا بیلر سانیرام.
اوخویاجاغینیز بو جیزما-قارالار سون قیام گونلرینده گؤروب، ائشیتدیگیم و شخصا یاشادیغیم آجیلی-شیرینلی خاطیرهلر و تاثّراتیمدیر.
بیرینجی بؤلوم میتینگ آخشامینا عایید ایدی. اوخویاجاغینیز بو بؤلوم ده ایسه قیام گونوندن دانیشیلیب.
علیرضا صرافی
2- جی بؤلوم
تبریزده بیر تبریز وار ایمیش
(دوشنبه 1- خورداد)
ساباه ساعات اون عرفهسینده اویرنجیلردن خبر گلدی کی استانداری و فرمانداریه گئدیب، میتینگین پروقرامین رسما اونلارا بیلدیریب و تاییدلرین آلیبلار.
همان گون ساعات 1- دن 3-ه کیمی تبریزین آزاد اونیورسیتهسینده اعتیراض آکسیاسی کئچیریلهجکمیش. اؤیرنجیلر گؤزلهییردیلر گؤرسونلر، عجبا شهر ایچی میتینگه دؤولت نئجه باخیر.
-SMSلر هر طرفه یاییلدی کی: میتینگین برنامهسین فرمانداریه اعلان ائدیبلر، اونلار طرفیندن ده مانعچیلیق یوخدور.
ادامه ی مطلب > بیز باشاردیق (2) "تبریزده بیر تبریز وار ایمیش" |
